Fino a mmo nun avevo parlato d’ ‘o gollo ‘e Cavani ‘e tacco, gollo ca Mazzoleni nun ce dette, ma nun n’avevo parlato sulo pecché vulevo essere sicuro assaje ca ‘o pallone fósse trasuto tutto, ma proprio tutto. Ne parlo mo doppo d’avé visto e cecato bbuono tante e tante filmate, eppure ancòra nun songo sicuro ‘e chello ca succedette e dico ca si ‘o pallone nun trasette tutto Mazzoleni, culpevole d’ati fetenzie, lla nun sbaggliaje; si po ‘o pallone trasette tutto Mazzoleni nun ce dètte ‘o gollo a pparere mio p’ apparà ‘o favore ca ce facette chill’arbitro ca nun m’arricordo comme se chiamma quanno a Ffirenze, â primma jurnata, cu ‘o pallone sbattuto nettamente e chiaramente ‘ncopp’â linia ce dètte pe bbuono ‘nu gollo fantasema. Sperammo però ca mo cu dummeneca passata âmmo pavato ‘o debbeto e ca ‘a dummeneca ca vène cagnasse ‘a museca e ll’arbitre ce trattassero meglio… Pure pecché ce simmo scucciate ‘e prutestà sempe e d’essere custrette a cchiagnerce ‘ncuollo ca po ‘sta cosa nun serve a nniente, nun porta a nnisciuna parte e chesto vale nun sulo p’ ‘o pallone, ma p’ ‘a vita!
Brak
