Napoli-Milan, le pagelle in lingua di Raffaele Bracale.
Muimma (missione) aluaffata (compiuta) guagliú! S’Êv’’a vencere e sse vincette! Allora i mo che v’avesse ‘a dicere? Ca so’ ccuntento? E ‘mmece no! Nun so’ cuntento e nno pecché me facette pena Montella, ma pecché ‘a mubbara (partita) s’êv’’a chiudere assaje primma e ssenza parpetazzione ‘e core addó ca ‘mmece nun ghiette accussí e doppo ‘nu bbuonu primmo ajone (tempo) quanno Milicko facette vedé ‘e che ppanne ‘e sciuammo (mattatore) veste signanno ddoje adaffe (reti): ‘a primma ‘e presenza e pruntezza sotto rezza cu ‘nu tiro spuorco ma a mmestiere e cchell’ata cu ‘na precisa cabbesera ( colpo di testa) saglienno ‘ncielo cu ‘nu putento stacco ‘a terra magnannose a cKucka… doppo tutto chesto ca me fósse aspettato n’atu pare d’adaffe i ‘a chiusura d’’a facenna…, ‘o Napule s’ ammusciaje, anze s’assettaje e ô pprincipio ‘e ll’arrancua (ripresa) jette dint’ê chiavette cusicché ‘o Milanno cacciaje ‘a capa ‘a fora ô sacco e ‘ncapo ‘e diece minute mumentaneamente se mettette ‘ncopp’ô doje a ddoje e avettemo aspettà ‘o sittantaquattresimo e ppo ‘o nuvantaquattresimo pe vvedé ca finalmente Caglieconno mettesse dinto ‘o terzo i ‘o quarto pallone chiudenno ‘a prattica. E accussí nun va! I’ nun voglio campà ‘e parpetazzione! Forze è comme dice Sarri e ciové ca chisto è ancòra putusfàiro (calcio) d’austo e cchiú d’uno sta ancòra ‘ncambriulaggio (rodaggio),comme si nun le fósse avastato tutto ‘o mese passato a dDimaro addó nun so’ gghiute pe ffaticà e ppe mmetterese a ssunna (regola), ma pe gghiucà a sottamuro i a mmazza e ppivezo! Fósse però ora ca se scetasseno tutte quante pecché nuje vulimmo ‘e risultate súbbeto e ssenza spantecà! Passammo ê ppaggelle:
Reina 5,5 – Êsse avuto fa assaje ‘e cchiú ‘ncopp’ô stuco (gol) ‘ncassato ‘a Niang(he); ‘ncopp’ô stuco (gol) ‘ncassato ‘a Suso ‘mmece nun ce putette proprio arrivà. Nun è ttutta sfarma saja, ma nun lle perdono ca doppo ddoje jurnate stammo ggià cu quatto pallune pigliate!
Hysaj 5,5 – Sufferette troppo arreto ‘a tassezza (velocità) ‘e Niang(he). Meglio quanno accumpagnaje ll’aziona uffenziva.
Albiol 6,5 – Atalossa (prestazione) diapresa (sontuosa)p’’o centrale ècchese Rial Madríddo, ca praticamente mettette ‘a musarola a bBacca. ( Da ll’88′ Chiriches 6 ‘e stima)
Koulibaly 5,5 – Miezu zifo (voto) mancante pecché si ‘e capa praticamente ‘e ppigliaje tutte isso , sia a ll’epata difenziva (in fase difensiva)ca a cchella uffenziva, trabballaje però quanno ‘a trasera (difesa) cuana (partenopea)fove cchiú sullicitata, soprattutto ô pprincipio d’’e duje ajune (tempi) quanno ‘o Milanno ce eassaltaje; sbagliaje soprattutto quanno êsse avuto e pututo accurcià ‘ncuollo a sSuso ‘naccasione d’’o pruvvisorio doje a ddoje e nnun ‘o ffacette.
Ghoulam 6,5 – Dètte meglio ca putette ‘na mana a cchill’arillo ‘e Mertens e, quanno nun êtte ‘a difennere, se prupunette, facennose apprezzà, ma à dda migliurà tiro e iabbre (cross).
Allan 5,5 – Miezu zifo (voto) mancante pecché s alternaje quacche bbuonu ricupero a cchiú ‘e nu pasiglio a vvacante comme si nun êsse pigliato ancòra ‘e mmesure, penzo ca mentre aspettammo ca trase ‘ncudizzione, Sarri à dda cunziderà ‘e cchiú ‘o guaglione pulacco arrivato ‘a ll’Empoli. ( Dô 73’ Zielinski 6,5 Buono ll’antíttupo (impatto) e soprattutto ‘a cunchiusione ca cunzentette a cCaglieconno ‘e fà ‘o spezziale e mmettere prazzo (fine) â cuntesa.)
Jorginho 6,5 – Mumazza (ottima) nutizia pe sSarri chella d’’o rientro e ricupero ‘e Giorgigno aicco (tessitore) patentato d’’a manovra cuana déttanno tiempo ‘a mitronomo.
Hamsik 5,5 – Nun ce simmo ancòra! Nun pozzo perdunà ô capitano, ca pure è ‘a curona d’’a capa mia…,nun lle poxzzo perdunà chella marcatura soja a ppane e ppuparuole ‘ncuollo a sSuso ‘nnaccasione d’’o tiro ‘mporta d’’o spagnuolo.Marekiaro nun tène ancòra ‘a sustanza pe spaccà ‘a mubbara (partita).Pure isso sta ancòra ‘ncambriulaggio (rodaggio).
Callejon 7,5 – Ddoje adaffe (reti) e n’ jusaida (assist) detteno lustro a ll’atalossa (prestazione)’e ll’almarrà (jolly) uffenzivo ‘e Sarri; nun lle se po’ addimannà ‘e cchiú a ‘nu jucatore ca nun tira maje ‘o sciato, se spenne p’’a scuatra e sse fa truvà pure sotto porta. Ce ne vulesseno n’atu paro comm’è isso! Pruvvidenziale ô momento d’’a nicessità.
Milik 7 – Che bbella carta ‘e visita ‘nnante ô pubblico d’’o san Paolo: ddoje adaffe (reti) i ‘a siconna meglio d’’a primma e ppo ‘nu juoco comme serve ô Napule ‘e Sarri spazzianno pe ttutto ‘o fronte ‘e ll’attacco. Sape jucà i ‘o ffacette vedé!
Mertens 8 – Nun signaje, ma fove ‘o meglio d’’a ‘nzerta. Nun se putette fermà manco mettennole ‘e catenielle dint’ô naso; ll’avverzarie sistematicamente ‘o mazzulajeno senza ca Valeri cecasse a vvedé, ma nemmeno cu ‘e ttriste ‘o fermajeno; D’’e cquatto ddoje adaffe (reti) cuane(azzurre) , n’appaciucaje (propiziò) ddoje cu ‘o piezzo forte suojo. ricato (dribbling) secco e ttiro ‘e dritto ‘ncopp’ô siconno palo ma ajeressera chell’anema longa ‘e Donnarumma ce ll’avette cu isso e lle dicette sempe no: peccato! Ciro se fósse mmeretato ‘e firmà ‘o cartellino e ajere dimustraje ca Insigne primma ‘e pigliarne ‘o posto à dda fà assaje anticammera. Sulo ‘nu pazzo ‘o po’ llevà e sSarri nun penzo ch’è ‘mpazzuto! ( Dô 78’ Insigne 6 Appaciucaje (propiziò) ‘a siconna adaffa (rete) ‘e Caglieconno cu ‘na trupaja [fuga] a mmancina.)
Sarri 6 – Quatto stuche (gol) ‘ncassate dint’ appena ddoje jurnate so’ overamente troppe pe ‘na scuatra ca vulesse fà meglio d’’o campiunato passato; s’à dda vedé che s’à dda fà; accussí nun po’ gghí; pe ffurtuna ca ‘e muamarre (trame) uffenzive accummenciano a ‘ngranà; ‘a trasera però s’à dda riggistrà: nun se po’ aspettà sempe ‘a riazzione doppo d’’e ffessarie fatte! E sperammo ca ‘e nuove se riesce a mmetterle’ncudizzione ‘e rennere p’’o mmeglio! È ccompito suĵo!
Arbitro Valeri 4 – E nun va cchiú ‘e tanto! Durante ô primmo ajone lassaje correre troppi carí (falli) d’’e milanise tenennose dint’â sacca cchiú ‘e ‘nu cartellino jalizzo (giallo), caputiaje paricchi carí (falli) siscanno contro ê cuane (azzurri) e ddànno ‘a ‘mpressione ‘e nun capí chello ca steva succedenno.
E fermammoce cca ddannoce appuntamento, si dDi’ vo’ a ô durece ‘e settembre doppo d’’o scontro ‘ntrasferta cu ‘o Palermo, speranno ca ve pozzo cuntà bbelli ccose! Staveti bbe’.