Applavuse a Ospina, è ‘nu granne purtiere

Che fetenzia guagliú! Che bbrutta mubbara ajeressera ô Maradona! Napoli-Atalanta, sibbacco (match) d’addabba (andata) d’’e sfranaje (semifinali) ‘e Coppa Itaglia 2020/21, se cunchiudette cu ‘nu quequero zzero doppo ‘na bbrutta mubbara (partita), troppo tattechiunna (tattica) i ‘o cchiú bbrutto fove ca ‘o Ciuccio tiraje ‘mporta sí e nno una vota e ccu ‘nu matustejo (mediano) Demme ca se pigliaje ‘o spavo ‘ncerato ‘e fa chello ca nun facevano ‘e nassie (attaccanti); ‘a novità ‘e GATTUSO camannaje ‘ncampo ‘nu tre – cinche – doje servette a ppoco e ffove n’artierbo (esperimento) bbuono a mmità cu ‘o Napule ca riuscette sí a nnun piglià stuche (gol), ma asasa (soprattutto)pe gghiadara (per merito) ‘e Pastacrisciuta, ma ca nun ce piacette a nnujaute d’’a tribbuna-divano datose ca pe nnuje allimmeno ‘ncasa s’à dd’affuzzà (si deve vincere)e ppe ddifennere ‘o titulo s’à dda fa coccosa ‘e cchiú! Dicevo da ‘ncapo ‘e nuvantaseje minute nisciuno riuscette a ssignà i ‘o pallone se joca pe ssignà. Sibacco (match) d‘ejudo (ritorno) ‘mprogramma ‘nfra ‘na semmana a Bbergamo addó pure russimanno (pareggiando), ma signanno ‘Ciuccio va a gghiucà ‘a disaffia (la finale)!

Sperammo ca ‘nfra sette juorne ‘e ccose, pe nnuje, vanno meglio e ppassammo ê ppaggelle:

OSPINA [Pastacrisciuta] 7,5 ‘Nu granne purtiere; facenno ‘e cunte sotto ô lampione fove isso a ttené a ffiella (galla) ‘o Napule cu allimmeno tre ggranni tacculle (interventi): funnamentale ô primmo ajone (nel primo tempo) ascenno a cciammiello e ddicenno no pe ddoje vote cunzecutive â ‘na granna accasiona p’’a Dea accussì cumme dicette no a Mmuriel(lo) appena cumminciata ll’arrancua. Applavuse!

MAKSIMOVIC [‘O ‘Ntontero] 6 Jucaje ‘na mubbara (partita) attienta; pusizziunato largo dint’â trasera a ttre fove prutetto dê duje carigginne (esterni) Di Lorenzo e Mezacucchiara ca s’avasciajeno e Chitelassa i ‘o Ggialante ll’ajutajeno paricchio.

KOULIBALY [‘O Ggialante] 7 Urdinato e ppriciso, cummannaje a mmestiere ‘na linia maje (sperimentata) e pruvaje a dd’ascí palla ô pere. Fove ll’ommo d’ammanna (sicurezza) d’’acse3zziona e mmettette ‘a musarola a Zzapata, né se facette sfují a Mmuriel(lo).

MANOLAS [Chitelassa] 6,5 Atalossa (prestazione) sustanziosa senza nisciunu sfregazzo (sbavatura).
DI LORENZO 6,5 Priciso e canzaniello (alacre) se facette truvà sempe ô posto justo ô mumento justo risultanno taminno (prezioso)!

Diego DEMME 6,5 Pure dint’a ‘na serata cumplicata ce mettette cegna (grinta) e pprio (brio facennose ‘nu mazzo tanto pe ccosere trasera (difesa)n e armidanno (centrocampo); ‘e cchiú – cumme v’aggiu ditto – ô 43’ jette a ccercà ‘a porta e ffove ll’unico a ffarelo! Ascette sulo quanno De Roun(ne) ‘o stennette cu ‘na pallunata ‘nfaccia! [Dô 66’ ELMAS[‘O Turco] 6 Trasette e sse piazzaje a pprutezziona d’’o zzero a zzero cunfermanno ‘a sensazziona ca ‘o Ciuccio pe cchello jucaje.

BAKAYOKO 5 ‘o Napule partette cu ‘nu tre – quatto – tre, ma quase subbeto addivintaje ‘nu cinche – doje – tre e isso jette ‘int’ê chiavette;perdette ddoje palle velenose e avette ‘a purtà ‘e ccanele a Ppastarisciuta!

HYSAJ [Mezacucchiara] 5,5 ‘Ntiuria êsse avut’ ‘a ‘mpurrà (spingere), ma fa ‘o carigginno (esterno uffenzivo nunn’è articulo sujo e sse vedette; cunchiusione: atalossa(prestazione) senza zuco né ccunnimma! Forze no p’itimma (colpa) soja, ma ‘e Gattuso.

POLITANO 5 Se vedette assaje e spisso ggiraje a vvacante… [Dô 66’ PETAGNA 6 Avette assaje pochi pallune da jucà cusicché pur’isso s’avasciaje a ddà ‘na mana ‘ncupertura.

LOZANO 5,5 Maje periculuso, miso a ffà ‘o nove faticaje assaje asasa (soprattutto) pecché troppo sulo: ‘o mestiere ‘e marcazzo (centravanti) nunn’è ‘o suĵo e cquanno, finalmente!, Gattuso, trasenno Petagna,se decidette a spustarlo ô pizzo suojo, nun tenette cchiú ‘a frischezza ca lle fósse servuta. Peccato. [Da ll’83’ OSIMHEN[Caromecosta] – sv.]

INSIGNE 5 Nun ce piacette pe nniente! Carfettato (ossessionato) d’arrivà ô stuco (gol) nummero ciento ggiraje a vvacante e nne cacciaje sulo quacche cunchiusiona, sballata!, da luntano, senza jucà p’’a scuatra. Troppo poco! I [Dô 69’ ZIELISNKI 5,5 Nun riuscette a trasí ‘nsibbacco (nel match)e ffacette sulo quacche ccusarella sempe luntano dâ muntaca (area di rigore) d’’a Dea.

all. GATTUSO 5 Se presentaje cu ‘na linia ‘e trasera (difesa) a ttre ca quase subbeto addeventaje a ccinche e pp’’o primmo ajone(primo tempo) nce attuccaje ‘e vedé ‘nu Napule ‘nsufferenzia; piezzo e ppejo a ll’arrancua (nella ripresa) quanno nchiudette a rriccio ‘a scuatra ca sempe cchiú spaisata tiraje a ccampà riuscenno però a ttruvà chello ca vuleva: nun piglià stuche (gol). Troppo poco!
arb. FABBRI 6 Nun facette fessarie.
E bbasta accussí; mo si ‘o Cielo ‘o ppermette ce sentimmo dummeneca pe ccuntareve che succere sapato a ssera a Ggenova contr’ê lucale russe e bblú p’’o stibbacco (scontro) ‘e campiunato.
Staveti bbe’