Cu’ l’uocchie nuoste

Te n’hanno ditto ‘e tutte ‘e culure,
ma chella faccia ‘a buone guaglione,
ha tenuta ‘a forza ‘e restà.
Annanza ‘a na porta che spalle ‘o muro,
e aizate doje mmane pe’ ce salvà!
Nun da’ retta purtiè, ‘e suonne so’
‘e chi ‘e sape aspettà

Guarda annanza ce sta Giuvanne,
ca’ zitto ha saputo tenè tutt’ arraggia
‘e ‘a pascienza ‘e suppurtà
na’ vrancata e strunzate de chi sapè sulo parlà.
Isso è capitano pure quanne ‘o mare nfuria,
e da esperto marenaro c’ha saputà traghettà.

Amir ride e saglie na’ bannera ncielo,
nu’ pilastro senza pressa
ch’arravogliagiudici e fessi.
E chist affianco mo’ chi è?
Tene sempe ‘a stessa faccia ma addo’ vene
ne’ che fa? Ha cagnato ‘o senso ‘e marcia
pe’ trasi ‘a Napule mo pe’ lla’ ‘e passà!
Marittiello so’ guarda ‘e ride,
cu a faccia sempe ncazzata,
‘o vuleveme mannà!
Ed invece, zitto e muto mo’
senza isso nun ce firamme ‘e stà!
Miezo ‘o cerchio ‘a cumannà
na’ trottola tantella, mamma mi’ maje se ferma,
tene l’uocchie comme ‘e scelle
vede pure areta ‘e stelle.
N’obelisco a protezione, niro comme ‘a pece,
s’arreposa sulo quanne l’avversario trova pace.
‘A tenerli sotto ‘a mano nu polacco alternativo,
l’arte che se piglia ‘o core, ‘a musica che sulo isso sona.
E’ figlio ‘a nuje, carne nostra, lagrime ‘e dulore,
nfaccio ‘o musso do’ padrone …
Ma che liberazione
quanne ha sfunnatto ‘a ciorta Raspadori!

Chesta squadra è na lezione pe’ chi
se scorda ammore!
Pe’ chest ‘o tempo c’ha mannato,
nu pittore ch’ nun se sapè chiammà.
Na’ tela pe’ maglietta e n’acquazzone pe’ culore,
‘o pallone arcobaleno: te l’ha fatta addiventà.
E cchiù annaza, comme ‘a nu lione,
ce sta l’anema è sta rivoluzione.
Corre, zompa, nun se fa capace
finché ‘a porta nterra nun ha menato!
Chesta squadra è na lezione
pe’ chi se scorda ‘a storia.

Cu l’uocchie nuoste ca nuje avimme perso,
vi site pigliate ‘o suonne pe’ c’ho ffa vedè.
E’ mo’ alluccamme, chiagnimme, zumpamme,
e vuje cu’ nuje ncopp ‘e mmure, restate pe’ sempe
pure pe’ quanne sarrà, che l’Italia s’accorge:
ca’ Napule non è solo na’ città