Napoli-Carpi, le pagelle in lingua: promossi Albiol, Allan e Callejon, anche se la condizione è da migliorare. Rimandati Maksimovic e Diawara.
Napoli-Carpi 5-1, 22/7/2018 – ‘A vedette accussì
Salute a vvuje guagliú! Eccuce cca a ddicerve quatto stroppole ‘ncopp’â siconna asciuta d’’o Napule targato Jancone; ajessera ‘e cuane (azzurri) scennetteno ‘ncampo a tTrento contro ô Carpi [‘na scuatra ‘e sissela(serie) B] E lle cunzignaje cinche purpette, tanto pe ffà ‘na cosa justa doppo d’’a quaterna ammullata ô Gozzano; tutto a pposto. Peccato sulo pe ll’addaffa (rete) ‘ncassata a ll’85’ da Contini,pe mmodo ca ‘o sibbacco (match) se nchiudette ‘ncopp’ô cinche a uno addó, pe cchello ca se vedette ‘ncampo êss’’avut’’a chiuderese cu ‘nu cunteggio cchiú ttunno…, ma tant’è… ‘nu poco ‘e pacienza! E ddicere ca
a Ttrento ‘a mubbara (partita) fove da subbeto da subito ‘ndiscesa pe nnujeaute e ccumminfatte ggià ô 2’ ‘o Napule passaje ‘nvantaggio con ‘nu granne stuco (gol) d’’o Ncrifato ca, servuto ‘a Lorenzigno, pigliaje ‘a masciadda (mira) e da vinticinche metre facette partí’nu dritto ‘e pricisione mettenno ‘o pallone lla addó ‘o purtiere Colombi proprio nun putette arrivà.
‘E guagliune d’’o Jancone ancòra frische d’’e ffatiche ‘e ll’urdemi juorne dimustrajeno d’essere già ‘mpalla e ô 5’ jetteno vicine ô mutajaffo (al raddoppio) cu ‘nu tiro d’Ounas(se); da chillu mumento ‘ncampo praticamente una nce fove ‘na scuatra sola i ‘e nàbbule (partenopei) macenajeno juoco gestiunanno (gestendo) a ppiacere lloro ‘e zzuree (ritmi) ‘e juoco e, ddoppo ‘nu tentativo ‘e Diawarà, servuto da ‘nu chibannarro (colpo di tacco) ‘e Lorenzigno,turnajeno a essere periculuse ô 25’ cu ll’Anema longa, ca ce pruvaje diece minute cchiú ttarde, ma ‘a cunchiusiona soja fove deviata e nn’ascette ‘nu tiro ‘e squina (corner); ‘o 2-0 stette sinamparco ‘int’a ll’aria e a ll’addaffà (a segnarlo) fove Inglese ca, ricevuto palla da dritta da Ounasse,ô 39’ difennette a mmestiere ‘o pallone e ffuttette a cColombi cu ‘o dritto.
E ‘ncopp’ô doje a zzero se nchiudette ‘o primmo ajone (tempo); p’’a nadda (ripresa) ‘o Jancone pusizziunaje ‘o Ncrifato ‘ncopp’ô carisone (out) ‘e dritta e cchiammanno Marekiaro a ll’artacumma (in cabina di regia) i ‘o sibbacco (match)nun cagnaje e ffoveno sempe ‘e nàbbule (partenopei) a ccummannà ‘o juoco pure si quase subbeto Concasse riuscette a ffà spurcà ‘e guante a a cKarnezis(se); ô 56’ fove Colombi a nnijà a lLorenzigno ‘a fariscia (gioia) ‘e ll’addaffa (rete), i ‘o purtiere d’’o Carpi poi se ripetette ô 62’ quanno cu ‘na luchitaminarca (colpo di reni) riuscette a pparà ‘nu pallunetto ‘e Peppe ‘a ‘nguenta sciso ‘ncampo pure cu cquacche linia ‘e freva; p’’o nassio (attaccante) spagnuolo ll’appuntamento cu ‘o tre a zzero fove sulo tanujato (rinviato) ô 66’ quanno servuto a mmestiere da Lorenzigno, ca lle mettette ‘a palla ‘ncopp’ê piere, da pochi passe ‘a mettette dinto cu freddezza. Durice minute cchiú ttarde (78’) Peppe ‘a ‘nguenta pe scagno se travestette da Lorenzigno dànno ‘na palla commeta a vVerdi ca mettette dinto ‘o quatto a zzero; e aggiu ditto pe scagno pecché Peppe ‘a ‘nguenta chella palla ll’êss’avut’’a mettere isso dinto, ma facette ‘o tiro curto.All’urdemi minute rummanette ll’arfadà (spazio) pe ll’addaffa (rete) d’’o Purtucheso, ca a ll’85’ sfruttaje ‘na bbona palla vascia ‘e Grassi, servuto a mmestiere da Marekiaro, e ffoveno cinche! Purtroppo ‘nu minuto doppo (86’) Taniello facette ‘a puttanata e cunzetette a pPiu ‘e truvà ‘o stuco (gol) d’’a bbannera p’’o natiscia (risultato) definitivo ‘e cinche a uno.
E venimmo ê ppaggelle:
Karnezis 6 : Urdinaria ídera (amministrazione)
[dô 71’ CONTINI 6 ‘e stima : È overo ca fove isso a ppiglià ‘o primmo stuco (gol) d’’o Napule targato Jancone, ma no p’intimma (colpa) soja, benzí pe bbia ‘e ‘na fessaria difenziva ‘e Taniello e isso nun ce putette fà niente!]
Hysaj [Meza Cucchiara] 6: ‘A cundizziona è ggià migliurata però purtaje troppo ‘o pallone, mmece d’’o menà ‘mmiezo cchiú ambressa, ‘o Jancone ‘o mettette primma a ddritta e ppo a mmancina i addirittura cunchiudette ‘mmiezo. [da ll’81’GAETANO[Taniello] 4: Pochi minute, ma ll’avastajeno pe ffà ‘na puttanata ca nce custaje ll’addaffa (rete)]
Albiol [‘O Masto] 6,5 : Scennette ‘ncampo durante ô primmo ajone a ccummannà, cumme sape isso ‘a trasera ( difesa) a cquatto, i a mmettere minute e bbenzina ‘int’ô mutore. [dô 46’ TONELLI 6: Jucaje tutto ‘o siconno ajone (secondo tempo) a ccentro d’’a trasera (difesa) i ‘o ffacette senza prane (errori)
Maksimovic 5,5 : Niente nun mme riesce a ppiacé; miezu zifo (voto) mancante pe bbia ca pure ajere facette ‘na granna fessaria, mancanno ‘e capa ‘na palla periculosa ca pe ffurtuna nun ce custaje caro. [dô 71’D’IGNAZIO sv Magiugullo(anonimo)]
Luperto 6,5 : ‘O ggiuvinotto doppo ‘e duje anne ‘e sissela (serie) B ‘nfra Vercelli e Empoli, me parette crisciuto assaje e spustato ‘e pusizziona nun sbagliaje niente.
[dô 46’ Rog (‘A Belva) 6: S’’à dda sulo calmà ‘nu poco, ma p’’o riesto facette chello ch’àm dda fà].
Allan [‘O Ncrifato] 6,5 : Cumme a ssempe cegna (grinta) e azaja (impegno) ‘a vennere pure si nun sta ancòra ô mmeglio d’’a cundizziona e ffove isso a arapí súbbeto ‘a tarantella, signanno ‘o primmo stuco cumme v’aggiu ditto.
[dô 77’ Ciciretti sv]
Diawara 6 : Primmo ajone (tempo) da sturete musciddo (diligente) ca mettette ‘mpretteca ‘e llezzione giurnaliere d’’o Jancone.
[dô 46’ Hamsik (Marekiaro) 6 : ‘o Capitano facette vedé quacche ‘nteressante cagno ‘e juoco, ma cumme mutirro (regista) se nne parla durante ê ttre ammestose (amichevoli) ‘nternazziunale nfra poco.]
Fabian 7 : Presenzia e pperzunalità dimustrate pure ajere aspettanno ‘e vederlo migliurà saglienno cchiú ‘ncoppa e cquanno nun tenimmo palla.
[Dô 71’ GRASSI 6 : Cumme a lLuperto è ccrisciuto assaje addivintanno cchiú ccuncreto doppo n’annata passata cu ‘a suggità ‘e Ferrara.]
Ounas 6 : Pruvatomo a ddritta, mo a ,mmancina ne cacciaje sulo quacche parpadío (guizzo), ma ‘o Jacone da isso vo’ ‘e cchiú. E pur’ io!
[dô 46’ Verdi 6,5 : Cercaje ‘a jucata p’’o mutirro (platea), ma po’ signaje ‘o primmo stuco (gol) manuvrato d’’o Napule facennose truvà pronto ‘ncopp’â palla sbagliata ‘e Peppe ‘a ‘nguenta.]
Insigne 7 : Forze ‘o meglio pure senza signà, se facette apprezzà pure addó cu sSarri jucava Ciruzzo.
Inglese 7 : Massia (punta) manuvierra jette a cciammiello p’’e saniaribbe (fantasisti) d’’o Napule e ssignaje pure (39’) n ‘o siconno stuco (gol) d’’o Napule.
Vinicius 6,5 : Artigliero (goleador) scanusciuto, cumbattette cumme a ‘nu lione signanno pure ‘o pruvvisorio cinche a zzero.
Callejon 7 : S’accumminciaje a vvedé coccosa d’’o juoco ca ‘o Jancone vo’ da isso. À dda essere però cchiú ppriciso.
All.: Ancelotti [‘O Jancone] 6 – ‘E stima.
E bbasta accussí; fermammoce cca e ssi dDi’ vo’, ce sentimmo p’’a vota ca vene ca mo nun saccio quann’è e addó è. Staveti bbe’. R.Bracale Brak